நீண்ட இடைவேளைக்குப் பிறகு மீனா மற்றும் வினீத் இணைந்து நடித்திருக்கும் சைக்காலஜிக்கல் த்ரில்லர் தொடர் இன்று முதல் உங்கள் வீட்டுத் திரைக்கு வந்துவிட்டது. ஜித்தூ ஜோசப் மேற்பார்வையில் உருவாகியுள்ள இந்தத் தொடர், எதிர்பாராத திருப்பங்களுடன் வெளியாகியுள்ளது.நிஜமாக மாறிய கனவு: ரோஸ்லின் ரகசியங்கள் மலையாளத்தில் ‘சீக்ரெட் ஸ்டோரிஸ்: ரோஸ்லின்’ (Secret Stories: Roslin) என்ற பெயரில் உருவாகியுள்ள இந்த வெப் சீரிஸ், இன்று பிப்ரவரி 27 முதல் ஜியோ ஹாட்ஸ்டார் (JioHotstar) தளத்தில் ஸ்ட்ரீமிங் ஆகத் தொடங்கியுள்ளது.
பச்சை நிறக் கண்கள் கொண்ட மர்ம மனிதன் ட்ரிஷ்யம் புகழ் மீனா மற்றும் நடிகர் வினீத் ஒரு முக்கியக் கதாபாத்திரத்தில் நடித்திருக்கும் இந்தத் தொடர், ஒரு 17 வயதுச் சிறுமியின் பயங்கரமான கனவுகளை மையமாகக் கொண்டது. சஞ்சனா தீபு (Sanjana Dipu) ரோஸ்லின் என்ற கதாபாத்திரத்தில் நடித்துள்ளார். அவளுக்குத் தொடர்ந்து வரும் ஒரு கனவில் பச்சை நிறக் கண்கள் கொண்ட மர்ம மனிதன் ஒருவன் துரத்துகிறான்.கதையின் ட்விஸ்ட் என்னவென்றால், அதே கண்கள் கொண்ட மனிதன் ஒரு நாள் ரோஸ்லினின் வீட்டிற்கு விருந்தினராக வருகிறான். பெற்றோர்கள் அவனை நம்பினாலும், ரோஸ்லின் மட்டும் அவனிடம் ஏதோ ஒரு மர்மம் இருப்பதை உணர்கிறாள். அந்தக் கனவுக்கும் நிஜத்திற்கும் என்ன தொடர்பு? அவளது வீட்டில் நடக்கும் மர்மங்கள் என்ன? என்பதே இந்த 6 எபிசோட் கொண்ட தொடரின் கரு.
இயக்குநர் சுமேஷ் நந்தகுமார் இயக்கத்தில், விநாயக் சசிகுமாரின் திரைக்கதையில் உருவாகியுள்ள இந்தத் தொடரை ஜித்தூ ஜோசப் வழங்குகிறார். மலையாளம் தவிர தமிழ், தெலுகு, கன்னடம், ஹிந்தி, பெங்காலி மற்றும் மராத்தி என 7 மொழிகளில் இது வெளியாகியுள்ளது. மீனாவின் நடிப்பு இந்தத் தொடரில் மிகவும் பேசப்படும் ஒன்றாக இருக்கும் எனத் தெரிகிறது. அவர் ஒரு வலிமையான மற்றும் போல்டான கதாபாத்திரத்தில் நடித்திருக்கிறார்.
வழக்கமான அதிரடி த்ரில்லராக இல்லாமல், மெதுவாக நகரும் சைக்காலஜிக்கல் டிராமாவாக இந்தத் தொடர் உருவாக்கப்பட்டுள்ளது. மொத்தம் 3 மணி நேரம் ஓடக்கூடிய இந்த சீரிஸ், ஒரே அமர்வில் பார்த்து முடிக்கக் கூடியதாக இருக்கிறது. த்ரில்லர் ரசிகர்களுக்கு, குறிப்பாக மர்மங்கள் நிறைந்த கதைகளை விரும்புவோருக்கு இந்த ‘ரோஸ்லின்’ ஒரு நல்ல வார இறுதி விருந்தாக அமையும்.நிஜத்தில் சந்திக்கும் முகங்களை விட, கனவில் துரத்தும் முகங்கள் அதிக அச்சத்தைத் தருபவை என்பதை இந்தத் தொடர் உணரவைக்கிறது.