தெலுங்கு சினிமாவில் முன்னணி நடிகராக திகழும் ராம் சரணின் புதிய படம் பெத்தி நேற்று திரையரங்குகளில் வெளியானது. பெரும் எதிர்பார்ப்புடன் வெளியான இந்தப் படத்தில் நடிகை ஜான்வி கபூர் நாயகியாக நடித்திருக்கிறார். படம் வெளியான முதல் நாளிலேயே நல்ல வரவேற்பை பெற்று வரும் நிலையில், இந்தப் படத்தின் ஜான்வி கபூர் வைரல் வீடியோ ஒன்று இணையத்தில் தீயாய் பரவி பேசுபொருளாகி இருக்கிறது.
என்ன நடந்தது?
படத்தின் விளம்பர நிகழ்ச்சி ஒன்றில் ஜான்வி கபூர் கலந்து கொண்ட போது, கூட்டத்தில் இருந்த ரசிகர் ஒருவர் நடிகையை நோக்கி திடீரென பாய்ந்து வந்து தகாத முறையில் நடந்து கொண்டார். அந்த நிமிடத்திலேயே ராம் சரணின் பாடிகார்ட் உடனடியாக இடையில் புகுந்து, அந்த ரசிகரை இழுத்து விலக்கி பாதுகாப்பான இடத்திற்கு அனுப்பி வைத்தார். இந்த சம்பவம் முழுவதும் வீடியோவில் படம்பிடிக்கப்பட்டு இணையத்தில் பரவியிருக்கிறது.
ஸ்ருதி ஹாசனும் படத்தில் நடித்திருக்கிறார்
பெத்தி படத்தில் நடிகை ஸ்ருதி ஹாசன் சிறப்பு தோற்றம் ஏற்று நடித்திருக்கிறார். குறிப்பாக ஒரு ஐட்டம் பாடல் காட்சியில் அவர் நடனமாடியிருப்பது ரசிகர்களிடையே பெரும் வரவேற்பை பெற்றிருக்கிறது என்று படம் பார்த்து வெளியே வந்தவர்கள் தெரிவிக்கிறார்கள்.
பொதுவிடங்களில் நடிகை, நடிகர்களுக்கு நேரடி பாதுகாப்பு எவ்வளவு அவசியம் என்பதை இந்தச் சம்பவம் மீண்டும் ஒரு முறை உணர்த்தியிருக்கிறது. வைரலான இந்த வீடியோ குறித்து இணையத்தில் பலரும் கோபமாகவும் அதிர்ச்சியாகவும் கருத்து தெரிவித்து வருகிறார்கள்.