லோகேஷ் கனகராஜ் காட்டாளன் படத்தில் கேமியோ திரையரங்குகளில் விசில் சத்தம்!
மலையாள திரையில் “மார்கோ” கொடுத்த பெரிய வெற்றி அலையில் படத்தை கொண்டாடிய ரசிகர்கள் , அடுத்த பெரிய படமாக “காட்டாளன்“-ஐ எதிர்நோக்கி இருந்தனர். அந்த எதிர்பார்ப்பு வீணாகவில்லை — படம் வெளியான முதல் நாளே லோகேஷ் கனகராஜ் ஒரு கேமியோவில் role தோன்றியிருப்பது இணையம் முழுக்க பேச்சாகி வருகிறது.
இயக்குநர் பால் ஜார்ஜ் இயக்கத்தில், ஷரீப் முகமத் தயாரித்துள்ள இந்தப் படம் நேற்று உலகளவில் 1100-க்கும் அதிகமான திரைகளில் ஒரே நேரத்தில் திரையிடப்பட்டது. ஆக்ஷன், சஸ்பென்ஸ் கலந்த கதை என்று சொல்லப்பட்டதால், ரசிகர்கள் ஆர்வமாக காத்திருந்தனர்.
காட்டாளன் படத்தின் தனித்துவமான அம்சங்கள்
படத்தில் மலையாள நடிகர் ஆண்டனி வர்கீஸ் கதாநாயகனாக நடித்துள்ளார். ரஜிஷா விஜயன் நாயகியாக இடம்பெற்றுள்ளார். தெலுங்கு நடிகர் சுனில், கபீர் துகான் சிங், ராப்பர் பேபி ஜீன், ராஜ் திரண்டாசு, பாலிவுட் நடிகர் பார்தத் திவாரி என பலதரப்பட்ட நடிகர்கள் முக்கிய வேடங்களில் நடித்திருப்பது படத்தின் கவர்ச்சியை கூட்டியிருக்கிறது.
படத்தின் சண்டைக் காட்சிகள் தாய்லாந்தில் படமாக்கப்பட்டிருக்கின்றன. உலகப் புகழ்பெற்ற “ஓங்-பேக்” திரைப்படத்தின் ஆக்ஷன் இயக்குநர் கேச்சா காம்பக்டீ மற்றும் அவரது குழுவினர்தான் இந்தப் படத்திற்கும் அட்டகாசமான சண்டை வடிவமைத்துள்ளனர். “ஓங்-பேக்”-ல் நடித்த புகழ்பெற்ற யானை “பொங்”கூட இந்தப் படத்தில் தோன்றியுள்ளது என்பது ரசிகர்களுக்கு இனிய ஆச்சரியமாக இருந்தது.
இசையமைப்பாளர் அஜனீஷ் லோக்நாத், “காந்தாரா” படத்தின் மூலம் இந்திய அளவில் பெயர் பெற்றவர். இந்தப் படம்தான் மலையாள சினிமாவில் அவரது முதல் படம் என்பதும் கவனிக்கத்தக்கது. தணிக்கை வாரியம் வன்முறை மற்றும் ஆக்ஷன் காட்சிகளின் காரணமாக இந்தப் படத்திற்கு ‘ஏ’ சான்றிதழ் வழங்கியுள்ளது. இது வழக்கமான படங்களை விட கூடுதல் எதிர்பார்ப்பை ரசிகர்களிடம் உருவாக்கியது.
ஆண்டனி வர்கீஸையே மறக்க வைத்த லோகேஷின் தோற்றம்
“காட்டாளன்” படம் பார்த்து திரையரங்கில் இருந்து வெளியே வந்தவர்கள் அனைவரும் ஒரே ஒரு விஷயத்தைத்தான் பேசினார்கள் — இயக்குநர் லோகேஷ் கனகராஜ் கேமியோ!
படக்குழு அதிகாரப்பூர்வமாக போஸ்டர் வெளியிட்டு உறுதிப்படுத்தியுள்ளது — லோகேஷ் கனகராஜ் இந்தப் படத்தில் “லியோ காப்ரல்” என்ற கதாபாத்திரத்தில் தோன்றியுள்ளார். திரையில் அவர் தோன்றிய கணத்திலேயே திரையரங்குகளில் விசில், கைதட்டல் என கொண்டாட்டம் வெடித்ததாக பார்வையாளர்கள் தெரிவிக்கின்றனர்.
“லியோ” வெற்றிக்குப் பிறகு நேரடியாகத் திரையில் தோன்றியிருக்கும் லோகேஷ் கனகராஜை, ரசிகர்கள் சமூக வலைதளங்களில் வரவேற்கின்றனர். சில நிமிடங்கள் மட்டுமே திரையில் இருந்தாலும், அந்தத் தோற்றம் கதாநாயகன் ஆண்டனி வர்கீஸையே நிமிடத்திற்கு ஓவர்ஷேடு செய்துவிட்டது என்று ரசிகர்கள் கமெண்ட் அடிக்கின்றனர்.
X (Twitter), Instagram என அனைத்து தளங்களிலும் “காட்டாளன் லோகேஷ்” என்ற வார்த்தைகள் ட்ரெண்டாகி வருகின்றன. “திரையரங்கில் முழு ஹால் ஒரே சத்தம்”, “யாரும் எதிர்பார்க்கலை, அதுதான் கிக்கே வேற” என்று ரசிகர்கள் எழுதி வருகின்றனர்.
மொத்தத்தில், “காட்டாளன்” படம் வெறும் ஆக்ஷன் படமாக மட்டுமல்லாமல், லோகேஷ் கனகராஜின் கேமியோ role காரணமாக இன்னும் பெரிய அளவில் ரசிகர்களிடம் பேசப்படுகிறது. படம் தியேட்டரில் தொடர்ந்து நல்ல வரவேற்பைப் பெறுமா என்பதை வரும் நாட்கள் தெரிவிக்கும்.